في مواضيع معينة كدا انا شايف ان مينفعش يبقي ليها مقدمة متزوقة و مدخل ف علشان كدا مرة واحدة اهو احنا هنتكلم عن الجنس :D
طول عمري كنت بكره نمط البنت الي شايفة ان الجنس دا شئ يععع و مقرف و الحياة احسن بدونه وانها بتعمل كدا مجرد ارضاء للراجل الي هو عبارة عن حيوان غير مروض بيتم توجهيهه بهرموناته من سن 14 سنة لحد ما ربنا يهده او ياخده
طول عمري كنت بكره نمط البنت الي شايفة ان الجنس دا شئ يععع و مقرف و الحياة احسن بدونه وانها بتعمل كدا مجرد ارضاء للراجل الي هو عبارة عن حيوان غير مروض بيتم توجهيهه بهرموناته من سن 14 سنة لحد ما ربنا يهده او ياخده
من البداية اهو انا بقول اني متحيز للرجالة في الموضوع دا ... انا شايف ان الجنس زي حاجة تانية في الحياة خاضع للموائمات و التوافق من غير ما نعاير بعض بيها يعني انا عمري ما شفت راجل بيعاير مراته انو بيسيبلها ورك الفرخة وهو بيحبه جدعنة و مع ذلك الستات في نسبة كبيرة بتعايرنا بالجنس و انهم مجرد بيعملوه جدعنة
هو مبدأيا لو هنتكلم ع الجدعنة ف اوعي تتخيلي ان الراجل الي جابلك ورد و دباديب او هدية ايا كان نوعها في اي مناسبة عمل كدا و هو مقتنع ان دي حاجة مؤثرة اغلبنا بيعمل كدا عشان ميزعلكوش مع ذلك عمرنا ما عايرناكو ولا لما بتنزلي تشتري طقم بمناسبة كل حاجة حتى شم النسيم و ادفع يا برنس و حتى علي مستوى المشاعر اشك انك هتلاقي الراجل الي بيتعامل بمبدأ ان الحضن هو الاحتواء و يطبطب على روحك المرهقة و يغرق في دمعتك النازلة على خدك...
صدقيني الحياة عند الرجالة ابسط و اوضح من كدا بكتير و مع ذلك بنعدي المتاهة المعقدة ما بين عقلك و قلبك عشان تحسي انك مش لوحدك و عمرنا ما عايرناكو بكدا
نرجع تاني بقى للموضوع الاساسي ... من ضمن الحاجات الي بتستفزني جدا في الموضوع دا هي وجهة نظر الست في الراجل ان هو دا المحرك الاساسي لكل حاجة في حياته هو انا مش هنكر انو شئ و شئ مهم جدا بس حتى بفرض ذلك فهو غريزة ربنا حطها فينا و المصحف انا جيت الدنيا لقيت نفسي كدا ـــ و انا هنا مش بدي مبرر للتحرش و الاغتصاب انا بتكلم في العلاقات الطبيعية و خلي الاستثنائات ليها كلام التاني ـــ يعني انتي عمرك بعدتي عن واحدة صحبتك علشان بتاكل كتير او عندك استعداد تطلقي عشان البيه جوزك بيعمل بيبي كل نص ساعة في دي كمان غريزة زي اي غريزة ما دمنا في الوضع الطبيعي فلو سمحتو متتعاملوش معانا اننا المسئولين عنها .... على فكرة المفروض كمان انها فيكو بس ما علينا دلوقتي
بعدين ردا على الاتهام القائم على ان الجنس هو المحرك الاساسي لكل حاجة في حياة الرجالة طب ما تشوفوا نفسكو و اهاليكو كدا ببساطة مين بيطلب شقة 9 اوض و حمامين على الاساس ان الكابل عنده اسهال مزمن و مين بيطلب شبكة و مهر و نيش طب من قائل انا بنتي مش اقل بنت خالتها و بنت عمتها !! و لمن قالها وفي اي مناسبة قيلت و ما النتائج المترتبة على هذه المقولة بنت ال**** المهم ....
ما هو في الاول و الاخر الجواز بيتمحور حول الفكرة دي قبلتي او رفضتي و اسألي ابوكي و امك لو مش مقتنعة فكل المغالاة في المتطلبات دي و قبول الطرف الاخر بيها بتبينلك اهمية الموضوع عنده حتى لو كان على حساب فلوسه و صحته انو يستحمل امك " حرفيا " :D
و رسالة لكل البنات الي بتقول ياريت يبقى في جواز من غير القرف و قلة الادب دي طيب على فكرة في درجة معينة من الصداقة " المحترمة " من الجنس الاخر بتوفرلك باقي متطلبات الجواز من غير قلة الادب زي ان الطرف التاني هيكون جدع و متفاهم و حاسس بيكي و بيحاول يساعدك بجد في اي مشكلة تقعي فيها بدون ما يكون عايز منك اي حاجة ممكن حضرتك تكتفي بهذا القدر من غير ما تقرفينا
في نقطتين معينين انا كنت سايبهم للاخر و مكنتش عارف حتى اكتبهم ولا لا بس يلا هي موتة ولا اكتر
أولاً: للستات ... يا جماعة الغريزة لما اتحطت فينا ربنا مختص بيها الراجل لوحده موجودة فينا و فيكو بدليل ان مكنش زمان الجنس البشري استمر من اول ادم و حوا لحد انهاردا و كوكب الارض بقا 7 مليار و احنا كاسرين 90 مليون و كل دا و الستات مجرد انها بتستجدع مع الرجالة و بعدين انا عمري ما شفت راجل رجع من خطوبة صحبه قفل على نفسه الباب و اعد يعيط او نفسن عليه عشان خطب قبله ولا شفت راجل رفع صورة صوابعه بالدبلة و حطها كوفر بيكتشر على الفيس بوك ... لا تصدقو في رجالة عملوها .. طب خلاص مش مهم الموضوع دا نرجع للاساس
اكيد ربنا حط الغريزة عند البنات بنفس القدر الي حطها بيه عند الرجالة لضمان استمرار البشر زي ما هو حاططها ف الحيوانات و الحشرات و كل كائن حي اكيد اكيد مجاش عند الستات يعني و شال الاوبشن دا بس القصة كلها ان معظم البنات في مجتمعنا اتربت ان الجنس دا تابوو مرتبط بالعار و الشرف و وين هنادي ياما هنادي راحت في الوبا ........ ف ابتدت مع الوقت تعامل الغريزة دي انها شئ غلط و بيسئ ليها حتى بعد ما اتجوزت و بناء عليه حرفت الغريزة دي تلقائيا في مواضيع تانية مرتبطة بالجواز زي دي اتجوزت قبلي او انا نفسي في طفل و حاجات من دي او انا عايزة اتحب وارتبط و حد يجبلي فانوث و كل الكلام الفارغ و نزود على كدا طب ما الستات الاجانب ما هم ستات زيهم زيكو و مع ذلك بيتكلموا على الجنس كشئ عادي و بدون ما يقولوا انهم بيكرهوه او انهم بيستجدعوا فيه فهل هما غريزتهم كمان غيركو
ثانياً: طب لو الجنس شئ غير مهم للستات ليه ربنا عمل حد الزنا لكلا الطرفين و ليه ستات متجوزة زنت و ليه ربنا وضع ضوابط كتير للعلاقة بين الراجل و الست و على الست فيها زي الي على الراجل هل كل دا معناه ان الغريزة غير متساوية فيهم هل الي خلق الراجل و الست لما يمنع عنهم مجرد الخلوة سوا هل دا مش دليل على قوة الغريزة فيهم هما الاتنين و لما يكون مجرد لمس الايد في السلام محرم على كلا الطرفين هل دا مش معناه ان الغريزة شئ قوي جواهم
في الاخر بقا ... الجنس على نفس القدر من الاهمية لكلا الطرفين لكن بطرق مختلفة فالست ممكن تكون بتعتبر ان اللمسة او الكلمة او الحضن اشياء اهم بكتير لكن هو مين قال ان كل الحاجات دي مش من ضمن الجنس بردو ما هو احنا اكيد مش حيوانات بتعمل كدا لمجرد التكاثر ثانيا مفهوم الجنس نفسه بيختلف من مجتمع ل مجمتع و من طبقة اجتماعية لطبقة اجتماعية في نفس المجتمع ف ياريت الستات الي بتتكلم متعممش الموضوع ما هو مش معقول هيكون مفهوم الجنس متساوي بين الست الي في حارة بتتكلم عن ادق تفاصيل علاقتها مع جيرانها يوم الجمعة و الرجالة بتصلي مع خريجة المدارس الانترناشونال و لو حد عنده شك انت ممكن تسأل الست بتاع الحارة الشعبية لو ولعت شمع و جبتلها كافيار قبل ما تعملو اي حاجة و صدقني هتسمع اراء مش لطيفة عن ذكورتك في الحالة دي و انا هنا مش بفضل طبقة على طبقة بس كل مستوى اجتماعي و ليه ترجمته للموضوع دا بطريقة مختلفة عن التاني ف متحاولوش تعمموا مفهوم ثابت للعلاقة لان بيتدخل فيها الدين و المجتمع و المستوى الاجتماعي ..
اخر حاجة هقولها خلاص :D
هو لو الجنس مش مهم للستات ليه المقويات الجنسية اتعملت للرجالة بس !!!
