كلام بنسمعه كل يوم من ناس أكبر مننا.. كتير مننا ممكن يقتنع بيه, بس -مع احترامي- أنا بشوف الكلام ده مش منطقي, لسببين:
الأول إنه تأثير الناس في حياتنا مش واحد ومش بنفس القوة فلو اعتبرنا حياتنا رواية هنقسم الأدوار فيها لأبطال وكومبارس, بمعني إنه فيه ناس بتمر في حياتنا مرور الكرام, بنعرفها ونتعامل معاها فترة معينة بسبب ظروف معينة ولما بتنتهي الظروف بتنتهي العلاقة بس وجودهم مسابش الأثر اللي يخلينا نحس بالفرق بعد ماسيبناهم ودول الكومبارس.
بس كلامي أبدا مش تسخيف من دور الأشخاص دي في حياتنا بالعكس كل شخص بنقابله وبنتعامل معاه حتي لو تعامل بسيط بيأثر بشكل أو بآخر في شخصيتنا ..
وفيه ناس بيقوموا بدور الأبطال في حياتنا ودول بقي مش بنقابلهم كل يوم ونقدر نعتبرهم من المحركات الأساسية لأحداث الرواية الخاصة بكل واحد فينا وده بيحدده قرارهم, إنهم يفضلوا في حياتنا وتنتهي الرواية نهاية سعيدة, ولا يسيبونا في نص الطريق وينهوا روايتنا بنهاية مأساوية, وأيا كانت النهاية فالأكيد إنه الرواية مش هتكمل من غيرهم, ولا الحياة ممكن تكمل بعدهم لأن الأشخاص دول بيمشوا معانا الطريق ويوصلوا بينا لمفترق الطرق وقرارهم هو اللي بيحدد سواء هنكمل الطريق للآخر ولا هايسبيوا إيدينا في نص الطريق ويمشوا.
الأول إنه تأثير الناس في حياتنا مش واحد ومش بنفس القوة فلو اعتبرنا حياتنا رواية هنقسم الأدوار فيها لأبطال وكومبارس, بمعني إنه فيه ناس بتمر في حياتنا مرور الكرام, بنعرفها ونتعامل معاها فترة معينة بسبب ظروف معينة ولما بتنتهي الظروف بتنتهي العلاقة بس وجودهم مسابش الأثر اللي يخلينا نحس بالفرق بعد ماسيبناهم ودول الكومبارس.
بس كلامي أبدا مش تسخيف من دور الأشخاص دي في حياتنا بالعكس كل شخص بنقابله وبنتعامل معاه حتي لو تعامل بسيط بيأثر بشكل أو بآخر في شخصيتنا ..
وفيه ناس بيقوموا بدور الأبطال في حياتنا ودول بقي مش بنقابلهم كل يوم ونقدر نعتبرهم من المحركات الأساسية لأحداث الرواية الخاصة بكل واحد فينا وده بيحدده قرارهم, إنهم يفضلوا في حياتنا وتنتهي الرواية نهاية سعيدة, ولا يسيبونا في نص الطريق وينهوا روايتنا بنهاية مأساوية, وأيا كانت النهاية فالأكيد إنه الرواية مش هتكمل من غيرهم, ولا الحياة ممكن تكمل بعدهم لأن الأشخاص دول بيمشوا معانا الطريق ويوصلوا بينا لمفترق الطرق وقرارهم هو اللي بيحدد سواء هنكمل الطريق للآخر ولا هايسبيوا إيدينا في نص الطريق ويمشوا.
كل دي احتمالات ..بس الحقيقة الوحيدة إنه حياتنا مش هاتكمل بعدهم وحتي لو كملت فمش هاترجع زي الأول..والسبب التاني إنه التفاعل مع الشخصيات اللي بنقابلها في حياتنا بيختلف باختلاف شخصياتنا إحنا, بمعني إنه فيه شخصيات الـ Emotional Liability عندها عالية جدا فبالتالي بيكون تفاعلها مع الناس أكتر وتأثير الناس في حياتها أقوي ووقع الفراق عليها أعنف والنوع ده من الشخصيات ولا بيعرف يتأقلم مع سنة الحياة المذكورة أعلاه ولا حتي بيعرف يتعايش مع وجع روحه.
وعلي النقيض تماما بتكون الشخصيات الـ Emotionally Stable ودول بقي نادر جدا لما بيتاثروا أو يتفاعلوا مع حدث أو شخص بيمر عليهم في حياتهم, بس أعتقد إنهم لما بيتأثروا بيكون تأثرهم أقوي وأعنف لأنه مش من السهل إنهم يتأثروا أو مشاعرهم تتحرك ...
وفيه نوع تالت من الشخصيات بيكون مزيج من الإتنين بمعني إنه بيقدر يحافظ علي توازنه لفترة معينة وبيكون Emotionally Stable بس فجأه وبعد مرحلة معينة من العلاقة بيقلب ويبقي Emotionally liable وده ومن وجهه نظري المتواضعه النوع الأخطر والأعنف لأن ردود أفعاله بتكون غير متوقعة ده غير إنه لما بيبدأ مرحلة الـ Emotional Liability بيكون أعنف وأكتر تأثرا ...
خلاصة القول
إنه إحنا ممكن نختار مين يكون موجود في حياتنا, بس دوره في حياتنا والأثر اللي بيسيبه بيكون من اختيار الشخص نفسه, هو بس اللي بيقرر إذا كان هيقوم بدور البطولة ولا هيمر في حياتنا مرور الكرام ..
بس برضه برضه مافيش بطل هيعرف يكون كومبارس..
ولا كومبارس يقدر يشيل دور البطولة.
فوتكم بعافية ..
